Stórskemmtilegir nýir þættir þar sem Eva Laufey fær til sín góða gesti sem ætla að keppa í kökubakstri. Eva er með ákveðna uppskrift sem keppendur þurfa að fylgja frá upphafi til enda í blindni.

Í fjórum þáttum fer Bergur Ebbi yfir samtímamálefni í fyrirlestrarformi og setur þau í óvænt samhengi. Þættirnir eru meðal annars byggðir á bókum Bergs Ebba Stofuhita og Skjáskoti. Nýr þáttur vikulega á Stöð 2+

Ný þáttaröð með Sindra Sindrasyni en fyrsti þátturinn verður númer 150 í röðinni hvorki meira né minna. Eins og áður sjáum við hús tekin í gegn, förum til útlanda og hittum skemmtilegt fólk sem segir frá fallegum heimilum sínum bæði stórum og smáum.

Dæmi eru um að íslenskar konur hafi mátt sæta ofsóknum svo árum skiptir. Úrræðaleysi einkennir aðstöðu kvennanna sem eru á valdi eltihrella óafvitandi hvað næsti dagur muni bera í skauti sér. Ofsóknir eru sláandi þættir í umsjón Sunnu Karenar Sigurþórsdóttur þar sem rætt er við konurnar og sérfræðinga sem reyna að greina hegðun þeirra sem hrella.